Ndahet nga jeta akademiku dhe profesori Alfred Uçi. Pionieri i mendimit filozofiko-estetik në Shqipëri është shuar në moshën 89-vjeçare. Uçi, profesori i filozofikë prej disa dekadash ka mbajtur më herët edhe postin e Ministrit të Kulturës. Kontributi i tij si drejtor i Institutit të Kulturës Popullore dhe atij të Komitetit të Arteve mbetet për shqiptarët po aq me vlerë sa një varg studimesh nga fusha e estetikës dhe filozofisë që ai la pas. Alfred Uçi do të mbahet mend për shpjegimin e disa termave të shkencës dhe teknikës në hartimin e fjalorit të gjuhës shqipe, të botuar në Tiranë më 1980. Fituesi tri herë i çmimit të republikës të shkallës së parë do të nderohet në Akademinë e Shkencave, që hap dyert të enjten në ora 11.00 për homazhet.
