Në 20-vjetorin e ndarjes nga jeta të shenjtores Nënë Tëreza dhe një vit pas shenjtërimit të saj, në Prishtinë është bërë sot shugurimi i katedrales “Shën Nënë Terezë”. Në ceremoni kanë marrë pjesë personalitete, udhëheqës të Ipeshkvisë së Kosovës, figura politike si dhe kardinali, Ernest Simoni, i dërguar i posaçëm i atit te shenjte. Një vit më parë, Papa Françesku e cilësoi Nënën Terezën si modeli i shenjtërisë. Presidenti i Kosovës Hashim Thaçi, me anë të një postimi në Facebok u shpreh se sot po festohet dyfshish, njëvjetori i shenjtërimit të Shën Terezës dhe shugurimi i Katedrales në Prishtinë, që mban emrin e saj.
