“Shtyrja e zgjedhjeve në Kavajë, mundësi për dialog”

Presidenti Bujar Nishani ka përshëndetur qëndrimin e kryeministrit për tërheqjen e kandidatit për zgjedhjet lokale në Kavajë. Ne një njoftim për mediat thuhet: “presidenti i republikës, Bujar Nishani, e vlerëson qëndrimin e kryeministrit për shtyrjen e zgjedhjeve për kryetarin e bashkisë së Kavajës, si një mundësi për të vijuar dialogun politik mes palëve për të gjetur një zgjidhje kompromisi të krizës politike. Në këtë kontekst, presidenti i Republikës vijon të nxisë mbajtjen hapur në vijimësi të dialogut mes palëve”, thuhet me tej ne reagimin e kreut te shtetit.