Kolegji i Posaçëm i Apelimit ka vendosur të shtyjë për datën 31 maj, seancën për shqyrtimin e çështjes për ish-prokurorin e përgjithshëm Adriatik Llalla. Ish-kryeprokurori përfaqësohej nga avokati Sokol Hazizaj, pasi ndodhet në Gjermani. Sipas avokatit, Llalla nuk ishte njoftuar për seancën e për këtë arsye kërkohet shtyrja. Në këto kushte Kolegji i Apelimit vendosi të përsërisë njoftimin dhe të plotësohen aktet e përfaqësimit. Seanca zhvillohet, ndërkohë që ish-kryeprokurori Adriatik Llalla dha dorëheqjen për të qenë pjesë e sistemit të drejtësisë, duke i shpëtuar procesit të vettingut. Pas dorëheqjes, Komisioni i Pavarur i Kualifikimit ndërpreu procesin e verifikimit ndaj tij.
