Është shtyrë për në datën 27 shkurt në orën 12 seanca për Vangjush Dakon. Deri në këtë datë do të bëhet akt-ekspertimi për faktin e dytë penal, atë të promenadës bregdatare.
Gjykata ktheu për hetim aktin e dytë penal pasi nuk konstaoi akt ekspertimi në gjetjet e prokurorisë për përcaktimin e dëmit në raport me projektin.
Lexo edhe :
Related Posts
“Gjykata e Posaçme mbi kërkesën e Prokurorisë së Posaçme, me nr.25/115 akti, dt.05.12.2023, e regjistruar në gjykatë, për dërgimin në gjyq të çështjes penale në ngarkim të të pandehurve Vangjush Dako etj. me akuzat përkatëse, sot më datë 02.02.2024, në seance paraprake, vendosi: Plotësimin e hetimeve në çështjen objekt gjykimi. Veprimet hetimore do të kryhen deri në seancën e rradhës, që do të zhvillohet në datën 27.02.2024, ora 12:00”, njoftoi gjykata.
Vangjush Dako, ish- kryetari i Bashkisë së Durrësit, është marrë i pandehur nga Prokuroria e Posaçme për shpërdorim detyre në bashkëpunim në dy raste.
SPAK thotë se momenti i parë që Vangjush Dako ka abuzuar me postin e kryetarit ka të bëjë me dhënien e një lejeje për ndërtimin e një pallati shumëkatësh në vitin 2014, dy vjet pasi ai ishte ngritur.
Rasti i dytë që çoi në prangosjen me 6 qershor 2023 e përfundimisht në marrjen si të pandehur të ish- kryetarit të bashkisë së dytë më të madhe në vend, lidhet me procedurat e prokurimit të shëtitores së Durrësit nga Bërryli në Currila në vitin 2014.
Për të, SPAK thotë se bashkia kishte një fond limit prej 21 milionë lekësh. Ndonëse, Kontrolli i Lartë i Shtetit, i bëri të ditur Bashkisë Durrës në vitin 2015 se ishte bërë një gabim në përllogaritjen e shumës që Komisioni Kontraktor kishte bërë, në mënyrë që të rikuperohej dëmi ekonomik, faturat vijuan të paguhen.
