Shtyhet mbledhja e përbashkët Kosovë-Shqipëri

Ndryshe nga ç’ishte planifikuar, mbledhja e përbashkët mes Kosovës dhe Shqipërisë nuk do të mbahet këtë të premte.

Kryeministri i Kosovës, Avdullah Hoti tha se mbledhja mes dy qeverive do të mbahet në datën 2 tetor. Shkak për shtyrjen është bërë seanca e Kuvendit të Kosovës.

“Për shkak të seancës së Kuvendit të Kosovës, u dakorduam me Kryeministrin Rama që mbledhjen e përbashkët të dy qeverive tona, të paraparë për këtë të premte, ta mbajmë më 2 tetor. E falënderoj Kryeministrin Rama për mirëkuptimin dhe dy ekipet tona për përgatitjen e mbledhjes.”