Gjykata kundër Krimit të Organizuar dhe Korrupsionit ka shtyrë për në datën 5 janar seancën ndaj kryebashkiakut Erion Veliaj.
Seanca paraprake ndaj Veliajt dhe të bashkëpandehurve të tjerë është parashikuar në orën 09:00
Në seancën e sotme, avokati i kryebashkiakut, Artan Gërmenji, ka kërkuar sërish që Veliaj të lirohet nga kafazi i qelqit në sallë dhe të qëndrojë pranë tij, një kërkesë e njëjtë me atë të paraqitur më 2 dhjetor. Pas shqyrtimit të kërkesës, gjykata vendosi ta rrëzojë atë.
Po ashtu, sipas dokumentit të siguruar nga gazetarja Blerina Cene, mbrojtja ka kërkuar që të vihen në dispozicion të kryebashkiakut të gjitha aktet e dosjes, në mënyrë që ai të ketë mundësi t’i lexojë vetë./vizionplus.tv
