Gjykata e Lartë ka shtyrë kërkesën e bërë nga Armando Prenga, për ndryshimin e masës së sigurisë dhe për gjykimin e shkurtuar ndaj deputetit socialist. Kërkesa u bë nga avokati mbrojtës i Prengës, i cili kërkonte revokim të masës së sigurisë nga “arrest me burg”, në “detyrim paraqitje”, pasi klienti i tij nuk përbën rrezik për fshehjen e provave. Po kështu, mbrojta ka kërkuar gjykim të shkurtuar nga Gjykata e Larte për Armando Prengën, vendim i cili do të jepet në datën 19 shkurt. Deputeti socialist, akuzohet për “plagosje të lehtë me dashje”, “armëmbajtje pa leje” dhe kanosje në lidhje me konfliktin e armatosur të datës 5 shtator, përpara komisariatit të Kurbinit me vëllezërit Cali.
x
