Aplikimet për garancinë e parë sovrane janë shtyrë deri më 20 qershor. Këtë e ka bërë të ditur ministrja e Ekonomisë dhe Financave, Anila Denaj përmes një postimi në “Facebook”.
Ajo shkruan se deri më 5 qershor kanë aplikuar 712 subjekte, nga të cilat 462 iu është miratuar.
Mes të tjerash, Denaj tha se për kreditë përmes garancisë sovrane për pagat e sektorit privat, qeveria shqiptare subvencionon plotësisht interesat dhe garanton 100% kreditë e aprovuara nga sistemi bankar.
