Shtyhet afati për “zgjedhjet”
Në kulmin e debatit politik për garantimin e standardeve në zgjedhjet e 18 qershorit, Kuvendi ka shtyrë edhe më një muaj mandatin e komisionit të reformës elektorale. Komision i cili deri më tani ka dështuar në punën për rishikimin e ligjit zgjedhor.
Kërkesa për shtyrjen me 30 ditë, u bë nga bashkëkryetari socialist i komisionit Taulant Balla. Më herët, Balla ka shkëmbyer replika me ish-deputetin socialist Ben Blushi, mbi vendimin marrë në seancën e së hënës, për shtyrjen e ngritjes së komisionit Ad Hoc për procesin e Vettingut. Blushi, akuzoi për vendim antikushtetues dhe pengues për reformën në drejtësi.
E ndërsa Balla, duke e mbrojtur atë, tha se Blushi do të e kishte sulmuar procesin, pavarësisht se cili do të ishte vendimi i Kuvendit. Pas këtyre replikave, ligjvënësit e mazhorancës votuan ndryshimet në ligjin për administrimin e ujitjes dhe kullimit.
