Të Dielën në mbrëmje, që përkonte edhe me urdhrin e qeverisë italiane për të mos lejuar më lëvizjen e shtetasve jashte komunës ku ata jetojnë, “kishte një fluks të konsiderueshëm dhe të rrezikshëm të makinave në tragetet private për në Messina”.
Kjo u raportua nga sekretari i përgjithshëm i sindikatës në Orsa, Mariano Massaro, i cili shtoi: “Ne po flasim për qindra makina që marshojnë drejt Siçilisë.”
“Duke pasur parasysh gjendjen e emergjencës absolute dhe rrezikun ndaj të cilit ekspozohet çdo ditë qarku i Siçilisë, Presidenti i Rajonit duhej të kishte përdorur në kohë reale të gjitha fuqitë në dispozicion të tij për të parandaluar fluksin që e ekspozon ishullin me Covid-19”, tha sindikalisti.
Të Dielën në mbrëmje, Nello Musumeci shkroi në Facebook: “Jam informuar se shumë njerëz të paautorizuar po shpërndahen nga Kalabria. Nuk është e mundur dhe nuk e pranoj që kjo të ndodhë. I kërkova prefektit të ndërhynte menjëherë. Dekreti i Ministrit të Infrastrukturës dhe i Ministrit të Shëndetësisë e pengon këtë. Unë kërkoj që ai urdhër të respektohet dhe të bëhen më shumë kontrolle gjatë nisjes.”
Pas kësaj, Musumeci reagoi sërish në rrjetet sociale duke theksuar se: “Sapo kam marrë konfirmim nga prefektura në Messina që kontrollet do të intensifikohen edhe më tej. Ata që kanë të drejtë për të kaluar, janë ata që kryejnë shërbime publike, siç janë shërbimet shëndetësore, forcat e armatosura dhe policia. Mjaft. Ne po bëjmë sakrifica të mëdha dhe duhet t’u japim siguri të gjithë qytetarëve.”
