Shtohet rreziku për përmbytje në vend

Reshjet intensive dhe shtrëngatat e shiut rrezikojnë përmbytjen e disa zonave dhe qarqeve ne vend. Instituti i Gjeoshkencave bën apel per marrjen e masave  veçanërisht ne qarkun e Gjirokastrës, Vlorës dhe Elbasanit. Me shume se sa dalja e lumenjve, rrezik ketë here përbejnë përrenjtë dhe rrëshqitjet e dherave.

Specialiste te institutit thonë se sasia e reshjeve ne zonat qe preken nga moti i keq pritet ti kalojnë 100 mm.

I gjithë territori i vendit është përfshire nga moti me shi, një situate qe do te vijoje deri paraditen e se mërkurës. Me pas pritet rritje temperaturash dhe vranësira te pjesshme.