Kreu i qeverisë Edi Rama, mëngjesin e sotëm u është përgjigjur live në Facebook pyetjeve të adresuara nga qytetarët në platformat sociale.
Në nisje të fjalës së tij, kreyministri i bëri thirrje emigrantëve që të regjistrohen në platformën PER dhe të votojnë në zgjedhjet parlamentare të 11 majit.
Njëra nga pyetjet kishte të bënte me shtetin Bektashi, i cili do të formohet brenda shtetit shqiptar.
Rama tha se shteti bektashi do t’i përgjigjet Kushtetutës së Shqipërisë në të gjitha aspektet.
Rama: Nuk bëhet fjalë për të ndërtuar një shtet ashtu siç e mendoni ju. Nuk bëhet fjalë për gjëra të kësaj natyrë, bëhet fjalë për entitet pa dogana taksa polici. Në të gjitha aspektet i përgjigjet Kushtetutës së Shqipërisë.
Në shëndetësi, Rama tha se është bërë transformim rrënjësor. Ai madje është ndalur te dy operacionet që ka bërë vetë në Qendrën Spitalore Nënë Tereza, për të dëshmuar që spitali plotëson të gjitha kushtet bashkëkohore.
Rama: Për shëndetësinë flas, patjetër flas, e mjafton që të shkosh në qendrën spitalore Nënë Tereza por edhe në spitale të tjera, që nga Shkodra në Vlorë, Elbasan, Fier, Durrës dhe të shikosh se çfarë transformimi rrënjësor është bërë. Më vjen shumë keq që shumëkush fatmirësisht dhe mos e pastë nevojën për të pasur nevojën në spital,vazhdon kujton spitalet e kohës rrumpallës dhe vazhdon i bie të njëjtës daulle ndërkohë që ndryshimi është i pakrahasueshëm.
Aq e vërtetë është kjo sa unë personalisht dy herë janë operuar në spitalin e sëmundjeve të brendshme këtu në Tiranë dhe po iu them nuk ka asnjë ndryshoi, jo në rastin tim, por edhe te pacientët e tjera, nga ajo që ka jashtë. Kjo nuk do të thotë që nuk ka probleme dhe gjëra për të rregulluara, e në raste të caktuara nuk ka probleme të korrupsionit.
Reformën në Drejtësi ia atribuoi Partisë Socialiste, pa të cilën tha se nuk do të ekzistonte.
Rama: Por pa PS pa vullnetin tonë kurrë nuk do ndodhte kjo që po ndodh që drejtësia të çlirohet nga kthetrat e pushtetit politik dhe të veprojë pavarësisht se cilës anë i përket njëri apo tjetri. Nuk po flasim për persona të lidhur me pushtetin politik në kohën e komunizmit apo në kohën e demokracisë si kryetari i PS Fatos Nano i cili u dënua, ishte politikan, u dënua jo nga një gjykatë e pavarur por nga një gjykatë politike. Nuk po flasim për këtë, po flasim për institucione të pavarësuara dhe kjo është një arritje e PS. Këtu në Shqipëri ka vetëm një parti që lufton çdo ditë për të bërë shtet. Si çdo pyll që ka derrat e vet, edhe ne kemi individë që për fat të keq i përkasin drejtësisë dhe jo rrugës së PS./vizionplus.tv
