Ministrja për Evropën dhe Punët e Jashtme, Elisa Spiropali, ka komentuar përurimin e godinës së re të Misionit të Shqipërisë në Bashkimin Europian, një moment që përkon me hapjen e të gjithë kapitujve të negociatave.
Ajo theksoi se misioni shqiptar në Bruksel është “fytyra e Shqipërisë në zemër të Europës”, ndërsa e cilësoi këtë hap si një fazë të re dhe më sfiduese në rrugën drejt anëtarësimit në BE.
Spiropali: Shtëpia e re e misionit tonë në BE. Me Kryeministrin Edi Rama dhe Komisioneren për Zgjerim, Marta Kos, përuruam godinën e re të Misionit shqiptar në BE.
Teksa hapja e të gjithë kapitujve të negociatave e fut vendin në një fazë të re, më pranë objektivit për anëtarësim, por edhe më sfiduesja, misioni shqiptar në Bruksel përfaqëson pasionin dhe vokacionin e skuadrës sonë kombëtare, duke qenë fytyra e Shqipërisë në zemër të Europës.
