Ndërtesa ku ka lindur lideri nazist Adolf Hitler në Austri do të shndërrohet në një stacion policie.
Ministri i Brendshëm Ëolfgang Peschorn tha se ky shndërrim do të jetë një “sinjal i pagabueshëm” sepse prona nuk e përkujton nazizmin. Hitleri lindi në shtëpinë në qytetin kufitar austriak të Braunau am Inn në 1889 dhe jetoi aty deri në moshën 3, kur familja e tij u zhvendos në Passau aty pranë në Gjermani.
Kjo është një pronë që ka qenë objekt i një mosmarrëveshje të gjatë. Për dekada të tëra, qeveria e mori me qira atë nga ish-pronari i saj në një përpjekje për të ndaluar turizmin e ekstremit të djathtë.
Dikur ishte një qendër ditore për personat me aftësi të kufizuara, por kjo përfundoi kur pronari Gerlinde Pommer kundërshtoi planet për ta bërë atë më miqësore me karrocat dhe më pas refuzoi të gjitha ofertat e qeverisë për ta blerë atë ose për të kryer rinovime.
Së fundmi duket se autoritetet austriake kanë vendosur që këtë ndërtesa ta kthejnë në një stacion policie.
