Këshilltari i Sigurisë Kombëtare John Bolton, ka njoftuar se Shtëpia e Bardhë ka ftuar në Uashington, për një vizitë zyrtare Presidentin rus Vladimir Putin.

 

“Ne e kemi ftuar Presidentin Putin në Uashington,” tha zoti Bolton në një konferencë shtypi gjatë një vizite në Gjeorgji, pak ditë pas takimit me zotin Putin dhe zyrtarë të lartë të sigurisë në Moskë. Ai tha se gjatë vizitës në Moskë i kishte dhënë Presidentit Putini një ftesë për të vizituar Uashingtonin vitin e ardhshëm, sipas Radios Evropa e Lirë.

 

Nuk është ende e qartë nëse zoti Putin e ka pranuar ftesën. Takimi i tij i fundit me një president të SHBA në tokën amerikane ka qenë ai me Presidentin Barak Obama në vitin 2015 gjatë Asamblesë së Përgjithshme të OKB-së në Nju Jork.

 

Një ftesë e mëparshme e Presidentit Trump për zotin Putin u prit me kundërshtime në Uashington duke përfshirë edhe nga ligjvënës të Partisë Republikane, të cilët argumentuan se presidenti rus ishte një kundërshtar jo i denjë për të vizituar Shtëpinë e Bardhë.

 

Leave a Reply

Your email address will not be published.