Zëdhënësi, i Shtëpisë së Bardhë Hogan Gidley ka deklaruar se duhet më shumë kohë për marrëveshjen e kufirit. Ndër të tjera ai ka theksuar se procesi i një marrëveshjeje dypartiake për çështjen e sigurisë së kufirit kërkon më shumë kohë.
Ndër të tjera Gidley është shprehur se është e vështirë të thuhet se çfarë do të jetë apo nuk do të jetë e pranueshme para se zyrtarët të shqyrtojnë hollësitë e propozimit.
Ndërkohë pritet që demokratët dhe republikanët në Shtetet e Bashkuara, të arrijnë marrëveshjen në parim mbi sigurinë në kufi, e cila do të financojë Qeverinë amerikane dhe do të shmangë një mbyllje tjetër të saj.
Ndërsa zëdhënësi Gidley, ka thënë se Shtëpia e Bardhë dëshiron të përqëndrohet në atë që vërtetë shkruhet në dokument dhe jo në atë se çfarë planifikohet të shkruhet.
