Një shtetas shqiptar është ekzekutuar mbrëmjen e kaluar në veri të qytetit Guayaquil në Ekuador.
Sot është identifikuar viktima i cili është Ergys Dashi 34 vjeç. Mësohet se i riu, ishte duke qëndruar në një restorant, ku është vrarë nga persona të armatosur. Në vendngjarje ekspertët kanë gjetur 20 gëzhoja armësh, ndërsa Ergys Dashit, i është konstatuar një plagë e madhe në pjesën ballore të kokës.
Pista që po heton policia është ajo e trafikut të drogës. Dashi në vitin 2014 është arrestuar nga policia po për kultivim droge.
