Drejtori dhe redaktori i organizatës per raportimin e krimit te organizuar dhe korrupsionit, Drew Sullivan, pranon ekzistencën e kompanive dhe emrave te rëndësishëm shqiptare ne megaskandalin e “Panama Papers”, edhe pse tregohet i rezervuar ne publikimin e tyre, pa realizuar me pare te gjitha verifikimet e nevojshme. Ne nje interviste për emision “Dritare” ne Vizion Plus, gazetari investigativ qe po bashkëpunon me konsorciumin qe publikoi dokumentet e skandalit te kompanive offshore thekson se zbardhja e gjithë materialeve mund te kërkoje shume kohe.
Unë i kam emrat, por nuk mund t’i jap tani. Me beso, e di qe njerëzit i duan emrat dhe ne do t’i japim sa me shpejt te mundemi. Nuk mund te them tani nëse ka ndonjë emër tepër te rëndësishëm nga Shqipëria, Kosova, Maqedonia apo Mali i Zi. E urrej te flas para kohe. Jemi duke punuar.
Sullivan deklaron gjithashtu se për te hedhur dritën mbi dokumentet e skandalit dhe përfshirjen e mundshme te kompanive dhe zyrtareve te larte shqiptare, organizata qe ai drejton ka kërkuar ndihmën e disa gazetareve investigative nga Shqipëria, emrat e te cilëve mbeten anonime.
Ne kemi përzgjedhur nje grup gazetaresh shqiptare per te punuar dhe ndihmuar me identifikimin e emrave nga dokumentet qe disponojmë. Nuk e besoj te kete folur ndonjëri prej tyre. Nuk ka mundësi. Emrat e tyre nuk mund t’i bej publike. Ne nuk e dimë nëse emrat qe kemi janë shqiptare te Shqipërisë, Kosovës apo Maqedonisë. Ndaj jemi disa gazetare shqiptare qe po i presim te vijnë ne Saraveje qe te punojnë me shume me ne.
Sullivan thekson gjithashtu se deri tani ka marre kërcënime nga ana e qeverise ruse, qe pretendon se organizata qe ai drejton ka dhene para ne mënyre te jashtëligjshme per organizata ne Rusi per te kerkuar ndihmën e tyre ne zbardhjen e se vërtetës. Ndërsa ambasadori i Rusisë ne Tirane, Alexander Karpushin, edhe ai i ftuar ne emisionin “Dritare”, thekson se Kremlini e presidenti Putin nuk kane asnjë lidhje me dokumentet e “Panama Papers” dhe se behet fjale per nje spekulim. Diplomati rus foli edhe për raportet e tensionuara mes vendit te tij dhe Perëndimit, si edhe ngecjen e marrëdhënieve mes Shqipërisë dhe Rusisë.
