Autori i sulmit që u ekzekutua mbrëmë në Austri identifikohet si Kujtim Fejzullahu. Ai ishte 20 vjeç, i lindur në Austri, por me origjinë shqiptar nga Maqedonia e Veriut.
Ndërkohë, 12 dyshuarit e tjerë janë nga Kosova, Bangladeshi, Çeçenia dhe disa zona të Austrisë.
Sipas “Heute.at”, automjeti i atentatorit ishte në pronësi të nënës së njërit prej të dyshuarve si pjesëtar i këtij grupi, për të cilin thuhet se është nga Kosova.
Rreth 1 mijë oficerë janë vendosur në kërkimin e sulmuesve dhe është ende e paqartë se sa prej tyre ishin të përfshirë në sulm, ndërsa njëri është asgjësuar nga forcat e policisë gjatë operacionit, pikerisht Kujtim Fejzullahu.
Policia ka bastisur sot në mëngjes vendbanimin e personit të vrarë, për të cilin dyshohet se ka qenë pjesë e sulmeve terroriste në Vjenë.
20-vjecari i lindur ne Vjenë por me origjinë nga Maqedonia e Veriut ishte radikalizuar dhe dyshohet se ishte rekrutuar nga ISIS.
