Shqipëria cilësohet sërish si një vend pjesërisht i lirë nga raporti i fundit vjetor i organizatës “Freedom House” me seli në Uashington.
Vendi ynë renditet me 69 pikë nga 100 në total, krahasuar me 68 pikë që u vlerësua vitin e kaluar teksa rritja shihet me ritme të ngadalëta.
Sa i përket të drejtave politike, Shqipëria është vlerësuar sërish me vetëm 28 pikë ndërsa të drejtat civile kanë marrë 41 pikë, një më shumë se në vitin 2025.
“Freedom House” thekson se korrupsioni dhe rryshfetet mbeten shqetësimet kryesore që duhet të adresohen.
Freedom House: Shqipëria ka një rekord zgjedhjesh konkurruese, megjithatë partitë politike janë shumë të polarizuara dhe shpesh të organizuara rreth eksponentëve kryesorë. Liria fetare dhe liria e tubimit në përgjithësi respektohen. Korrupsioni dhe ryshfeti mbeten probleme të mëdha, megjithëse qeveria po punon për të adresuar korrupsionin në gjyqësor.
Krahasuar me vendet e rajonit, Shqipëria renditet e para ndërsa ndiqet nga Mali i Zi dhe Maqedonia e Veriut, Kosova, Bosnia Herzegovina dhe e fundit Serbia.
