Kombëtarja shqiptare përballet sot në mbrëmje me San Marinon në ndeshjen e vlefshme për kualifikueset e botërorit Katar 2022. Kuqezinjtë, ndonëse në letër – favorite – e kanë vlerësuar këtë përballje njësoj si të tjerat edhe pse nëse do t’i hedhim një sy formacionit paraprak nga Edi Reja shohim një rotacion të lojatarëve.
Në seancën e fundit stërvitore, tekniku italian ka provuar të luajë edhe me skemen 3-4-3 me Strakoshen në portë të rikthyer pas shumë ndeshjeve si titullar dhe me treshjen e mbrojtjes Gjimshiti, Kumbulla dhe njeri mes Mihaj ose Ismajli. Nga krahët qëndrojnë Hysaj në të majtë dhe Doka në të djathte për të mbështetur Bare dhe Lacin në mesfushë.
Sa i përket sulmit, bomberi Sokol Cikalleshi vijon të ndiejë shqetësime në gju dhe trajneri Reja nuk dëshiron të rrezikojë për këtë arsye. Manaj, me shumë mundësi do të luajë në qendër të sulmit dhe përkrahë tij, Myrto Uzuni do të sulmojë nga e majta me Bajramin që bëhet sulmuesi i tretë nga e djathta.
Takimi Shqipëri-San Marino do të luhet sot në oren 20:45, në stadiumin Elbasan Arena .
