Edi Rama: Ne kohen kur bota po përballet me sfida te sigurisë, edhe Shqipëria si vend anëtar i NATO-s, do te jete pjese e përpjekjeve te kesaj aleance, per me shume siguri ne hapësirën euro-atlantike.
Kete mesazh përcolli kryeministri Edi Rama ne fjalën e mbajtur ne sesionin e punes se krerëve te shteteve dhe qeverive ne samitin e NATO-s, qe po mbahet ne Varshave.
“Sot, ekstremizmi i dhunshëm dhe islami radikal janë kërcënimi më serioz për sigurinë kolektive, çka kërkon ndërveprim dhe bashkërendim të përpjekjeve në nivel lokal dhe global. Ne mbështesim strategjinë e mbrojtjes të Aleancës”, u shpreh shefi i qeverise shqiptare. Me herët, ne momentin e fotos zyrtare, kryeministri Rama ka patur nje shtrëngim duarsh me presidentin amerikan Barak Obama. Ai është pritur edhe nga Sekretari i Përgjithshëm i NATO-s, Jens Stoltenberg. Pjese e delegacionit shqiptar ne Varshave jane edhe Ministri i Jashtëm Ditmir Bushati dhe Ministrja e Mbrojtjes, Mimi Kodheli. Ajo sqaroi angazhimet e Shqipërisë.
Mimi Kodheli: Do të ketë një Task – Forcë të Reagimit Shumë të Shpejtë. Shqipëria do të marri pjesë në këtë gjë me një kompani. Kemi bërë gjithë përgatitjet e nevojshme që kompania të jetë e dislokueshme brenda një afati kohor shumë të shkurtër. Ne do të marrim pjesë edhe në jug në një mision për herë të parë në det me një anije tonën që do të ketë prezencë me rrotacion në një mision, i cili mbështetet misionin e Frontex të BE lidhur me menaxhimin e situatës së rënduar në Detin Egje dhe në Detin Mesdhe për shkak të refugjatëve.
Samiti eshte fokusuar ne forcimin e mbrojtjes kolektive të aleancës, përballë kërcënimeve te sigurisë.
