Kjo javë nisi me një numër tepër të ulët të rasteve të reja me COVID-19, krahasuar me muajt e fundit.
Ministria e Shëndetësisë njoftoi se ka kryer 2020 testime dhe ka zbuluar vetëm gjashtë të infektuar.
Rastet e reja janë regjistruar në dy në Shkodër, dy në Mat, një në Mirditë dhe një në Berat.
Tirana, që prej muajsh ka qenë vatër infeksioni, nuk ka shënuar asnjë rast të ri.
Po ashtu, vetëm një pacient e ka humbur betejën me COVID-19. Bëhet fjalë për një 66-vjeçar nga Korça.
Në 24 orët e fundit janë shëruar 94 qytetarë, ndërsa në spitalet COVID po trajtohen 57 pacientë, nga të cilët 7 pacientë janë në terapi intensive.
