Shqipëria do të presë Italinë në një miqësore më datën 16 nëntor ne Air Albania .
Në një konferencë për shtyp, futbollisti Kristian Asllani u shpreh se është gati për duelin me italianët.
KRISTIAN ASLLANI
FUTBOLLIST
“Do jetë një ndeshje e veçantë për mua, jetoj në Itali prej moshës 2 vjeçare. Kam shumë shokë atje. Ndeshje e vështirë, por do provojmë të lumturojmë njerëzit tanë. Ngacmime jo, por më kanë pyetur se kur do luajmë, ku do rrinë ata dhe kështu gjërash. Mezi po e pres si ndeshje. Italia ka nivel shumë të lartë, por ne do provojmë të bëjmë ndeshjen tonë, pasi kemi shumë kualitet.
Gjithashtu 20 vjecari foli dhe për eksperiencën e tij tek Interi.
KRISTIAN ASLLANI
Jam lojtar i ri, kam përpara Brozovic dhe Calhanoglu, nga të cilët mund të mësoj. Jam i lumtur me kaq minuta që kam luajtur, nuk është e lehtë.
Mesfushori Enis Cokaj theksoi se atmosfera dhe harmonia në kombëtare është shumë e mire, teksa deklaroi se çdo lojtar ka nevojë për kohën e tij për t’u përshtatur tek ekipi i Rejës.
ENIS ÇOKAJ
FUTBOLLIST
Komunikimi dhe marrëdhëniet me shokët e skuadrës janë shumë të mira, jemi si familje. Rezultatet janë çështje fati. Ndeshja me Italinë është e madhe, por të gjithë jemi gati, gjithmonë. Secili duhet të japë 100% në Kombëtare, ambientimi do edhe kohën e vet, por besoj se me kalimin e kohës do ambientohemi shumë mirë.”
Kuqezinjtë do të përballen sërish tri ditë më vonë në një tjetër miqësore me Armeninë.