Ish-ambasadori i parë shqiptar, Rajerson ka deklaruar se dekriminalizimi i politikës dhe korrupsioni mbeten problemet më të mëdha, me të cilat përballet Shqipëria. Duke folur në një intervistë për zërin e Amerikës, William Rajerson, i njohur për marrëdhëniet e tij të afërta me Partinë Demokratike për shkak të viteve të para pas rrëzimit të diktaturës në vend, shprehet i habitur sesi zyrtare të filmuar, duke marrë para vijojnë të mbeten në pushtet.

“Për fat të keq është shumë e vërtetë. Kam lexuar, nuk e kam parë, sesi një zyrtar shumë i lartë në Shqipëri është i regjistruar në video, duke marrë bakshish dhe ai vazhdon të jetë në pushtet. Një gjë e tillë duhet të ishte një arsye për ta larguar atë, por kjo s’ka ndodhur dhe kjo është e tmerrshme”.

Rajerson është ndalur edhe te çështja e korrupsionit, ndërsa inkurajon përpjekjet për ta luftuar atë.

“E di qe ambasadori Donald Lu e ka kritikuar shume hapur korrupsionin dhe kur ishte këtu gjate vizitës se kryeministrit Rama e takova dhe i thashë: Don, shiko, ora ime është plastike dhe ai qeshi. Sigurisht, ky është vetëm nje element. Korrupsioni e ka dëmtuar keq rritjen dhe ekonominë e vendit. Po te kthehesha mbrapsht ne kohe edhe unë do te beja te njëjtën gjë, padyshim”.

Rajerson ka qene ambasadori i pare amerikan ne Shqipëri. Ai ka përfaqësuar selinë diplomatike amerikane nga viti 1991 deri ne vitin 1994.

 

Leave a Reply

Your email address will not be published.