Ministria e Infrastrukturës ka hapur garën e pestë për krijimin e një parku fotovoltaik.
Ky park për ministren e Infrastrukturës do të konsiderohet hibrid dhe do të prodhojë 300 megavatorë energji, çka do të thotë që do të jenë ofertuesit ata që do të gjejnë vendin dhe kryejnë investimin.
Ndërsa qevferia do të blejë energjinë që ata do të prodhojnë për një periudhë të caktuar kohore.
Bizneset e interesuara do të kenë mundësi të aplikojnë deri në 17 maj në një thirrje që është ndërkombëtare, ndërsa korriku do të jetë muaji kur do të shpallet fituesi i ankandit.
Ministrja Belinda Balluku njoftoi këtë të hënë kushtet e këtij ankandi fotovoltaik, i cili do t’i shërbejë për një diversifikim edhe më të madh të burimeve energjetike në vendin tonë.
Ndërkohë në eventin e lançimit ministrja kërkoi që të respektohen afatet dhe të mos kërkohet shtyrje. Çmimi maksimal që do të pranohet është 59.9 euro për mw/h.
Ndërsa bizneset mund të konkurojnë në vendodhje të ndryshme duke e ndarë totalin e kapaciteteve prodhuese 300 mwh
/vizionplus.tv
