Policia e Sarandës ka proceduar penalisht dy menaxherë lokalesh, për shkak të muzikës së lartë. Njoftohet se zhurma tej normave të lejuara ishte kthyer në shqetësim për pushuesit, të cilët njoftuan uniformat blu.
“Për këto raste, janë referuar materialet në Prokurori ku ka nisur procedimi në gjendje të lirë për menaxherët e 2 lokaleve, shtetasit F. F., 38 vjeç, banues në Tiranë dhe R. Z., 41 vjeç, banues në Sarandë, për veprën penale “Prishja e qetësisë publike”, thuhet në njoftim.
Policia ka sekuestruar në cilësinë e provës materiale pajisjet muzikore.
