Ministrja e Turizmit, Mirela Kumbaro, ka përgëzuar punën e Forcave të Armatosura, të cilët shpëtuan një ditë më parë tre turistë. Dy fëmijë dhe një grua nga Gjermani po vizitonin shpellën e Pëllumbasit, teksa papritur ranë në humnerë.
Për shpëtimin e tyre u përdor helikopteri Cougar.
“Shumë mirënjohje për djemtë e Forcave të Armatosura të cilët me helikopterin Cougar u erdhën në ndihmë tre turistëve gjermanë, një grua dhe dy fëmijë, të cilët kishin rrëshkitur dhe kishin rënë në humnerë, teksa po vizitonin si pjesë e një guide turistike shpellën e Pëllumbasit. Të tre shtetasit e huaj u dërguan për trajtim në spitalin e Traumës dhe janë në gjendje të mirë”, shkruan Kumbaro.
Ministrja e Turizimit ka theksuar vazhdimisht forcimin e bashkëpunimit mes hallkave të ndryshme, duke nisur që nga policia e deri tek pushteti lokal. Kumbaroi thekson se plani i masave përfshinë disa elementë me qëllim mbarëvajtjen e sezonit turistik.
View this post on Instagram