Shpëtim Idrizi në “fije të perit”, a do të hyjë në Parlament?

Kutitë e fundit janë ato që do të vendosin fatin e Shpëtim Idrizit, i cili rrezikon që të mos futet në Parlament. Ai renditet i pari në qarkun e Tiranës, por deri tani PDIU nuk ka arritur që të fitojë asnjë mandat në kryeqytet. Duhen edhe 90 kuti që të mbyllen për të thënë rezultatin e plotë për qarkun e Tiranës dhe janë pikërisht këto ato që vendosin për fatin e Idrizit.

Deri më tani PDIU ka marrë 11320 vota, por këto nuk kanë mjaftuar për një mandat, ndërkaq Mesila Doda mbetet jashtë Parlamentit.