Shpëtim Duro bëri një krahasim mes kampionateve të Shqiperisë, Kosovës dhe Maqedonisë. Duro si ish trajner I Shkëndisë së Tetovës, vlerësoi maksimalisht këtë klub dhe e gjitha sipas tij vjen nga qëndrueshmeria financiare. Ai pohoi se ndryshimi mes kampionatit shqiptar dhe atyre të Maqedonisë e Kosovës është se në dy kampionatet fqinje zbatohen maksimalisht rregullat.
Shkëndija është shumë klub serioz, pronarët janë të fuqishëm dhe shumë të rregullt dhe jo rastësisht vijnë rezultatet.Ndërkohe tek Drita në Kosovë, nuk pata probleme financiare, ishin shumë serioz, por atje nuk qëndrova sepse dolëm jashtë objektivave në kupë dhe unë nuk mund të qëndroja. Ama në Kosovë dhe Maqedoni zbatohen shumë rregullat në kampionat. Infrastruktura në këto vende bën përjashtim, nuk është në nivelin e Shqiperisë.
Sa I takon të ardhmes së karrierës së tij si trajner, Duro u shpreh:
“Zanati ynë si trajner, na detyron të punojmë kudo. Tek Drita bëra gabim që vajta në kushte jo të mira por me detyruan shkaqet financiare. Unë shoh trajnere në Shqipëri që marrin nga 3-4 skuadra në vit. Unë nuk jam tek kjo kategori. Kjo nuk është serioze. Duhet të punosh në një klub që ka strategji, një gjë serioze, të kesh kënaqësi të punosh dhe objektiva.
