Shpërthimi i bombulës së gazit është motivi i shpërthimit që i mori jetën 56-vjeçarit në Selenicë. Ky është përfundimi në të cilin ka dalë policia pas hetimeve të kryera, ndonëse u dyshuar se ngjarja mund të lidhej me sasi plasëse të vendosur qëllimisht.
“Nga hetimet rezulton se mëngjesin e sotëm, në territorin e jashtëm të banesës së shtetasit D. G., 56 vjeç, ka shpërthyer një sobë e vogël me gaz. Nga shpërthimi është dëmtuar shtetasi D. G., i cili si pasojë ka humbur jetën, gjatë transportimit në spital”, theksohet në njoftimin e policisë.
Shpërthimi shkaktoi vdekjen e 56-vjeçarit, i cili ndonëse u dërgua në spitalin e Vlorës, nuk mundi t’iu mbijetojë plagëve të marra.
