Policia e Kosovës ka arrestuar një tjetër person lidhur me sulmin ndaj kanalit të ujit në Ibër – Lepenic, tre ditë më parë.
Personi identiteti i të cilit nuk bëhet i ditur, është nga komuniteti serb në veri dhe dyshohet se ka pasur rol të rëndësishëm në grupin përgjegjës për shpërthimin në infrastrukturën kritike të Kosovës, tre ditë më parë.
Lexo edhe :
Related Posts
Policia ka bërë të ditur se gjatë kontrollit në banesën e tij janë sekuestruar municione, paisje ushtarake dhe sende të tjera të jashtëligjshme. Lidhur me ngjarjen, autoritetet në Kosovë shoqëruan fillimisht 10 persona, tetë prej të cilëve u liruan dhe 2 të tjerët ndodhen në paraburgim.
Aktualisht situata në veri të vendit paraqitet e qetë ndërsa ka prani të shtuar të forcave të policisë së Kosovës dhe KFOR e EULEX. Qeveria në Prishtinë kishte kërkuar edhe vendosjen e ushtrisë në zonë, megjithatë një gjë e tillë u refuzua nga misioni i NATO-s, në përputhje me marrëveshjen e vitit 2013. /vizionplus.tv
