Një sasi e konsiderueshme lëndë plasëse ka shpërthyer ne një mobilieri në kodrën e Rrashbullit në Durrës.
Tritoli ka shpërthyer rreth orës 4 të mëngjesit, duke shkaktuar dëmtime të shumta në fasadën e biznesit. Në vendngjarje mbërritën efektivë të policisë së Durrësit si dhe njësia antieksploziv.
Lexo edhe :
Related Posts
Nga hetimet e para policia dyshon se shkak për vendosjen e lëndës shpërthyese është një konflikt pronësie mes pronarit të mobilierisë Artan Alla dhe personave të tjerë. Por Alla i pyetur nga mediat mohoi të ketë konflikte ndërsa pranoi se është hera e tretë që biznesit të tij i vendoset tritol.
“Kam dyqanin këtu. Skam konflikt me asnjë njeri në botë, as për prona s’kam konflikt, as borxh si kam kujt, e kam me leje ndërtimi, me licencë. Rri këtu te dera e dyqanit me serbes, nuk kam konflikt me asnjeri. Kjo është hera e tretë që ma hedhin, e kanë hedhur njëherë në nëntor, njëherë para 3-4 javësh dhe sot prapë”, tha pronari.
Policia e Durrësit ka shoqëruar tre persona të cilët besohet se kanë dijeni për ngjarjen. Burime bëjnë të ditur se lënda eksplozive është hedhur nga jashtë rrethimit të mobilierisë para hyrjes së saj.
/vizionplus.tv
