Një shpërthim i fuqishëm është regjistruar këtë të mërkurë në qytetin e Elbasanit. Ngjarja ndodhi përballë spitalit psikiatrik në këtë qytet.
Nga hetimet e para dyshohet se në shkurret rreth banesës kanë qenë të fshehur disa fishekë të vjetër të cilët si pasojë e zjarrit kanë plasur. Për pasojë një banesë e braktisur është djegur plotësisht.
Fatmirësisht nuk ka asnjë të lënduar, ndërsa shpërthimi ka shkaktuar panik tek banorët e zonës.
Në vendngjarje ishin dy makina zjarrfikëse të cilat punuan për neutralizimin e situatës, ndërkohë që disa banorë janë evakuar për shkak të tymit të madh.
Sipas policisë fishekët dhe predhat dyshohet të jenë mbetje nga 1997.