SHBA janë tronditur nga dy ngjarje te renda qe kane shkaktuar plagosjen e 37 personave. Ngjarja e pare ndodhi ne një lagje te New Yorkut, ku nje bombe artizanale shpërtheu ne nje kazan plehrash. Per pasoje u plagosen 29 vete, por fatmirësisht asnjë nuk mori plage te renda. Guvernatori i shtetit te New Yorkut Andrew Cuomo deklaroi se behet fjale per një sulm terrorist, por qe nuk ka lidhje me terrorizmin ndërkombëtar.
“Shpërthimi është qartësisht akt terrorist. Deri tani asnjë organizate, apo grup si Shteti Islamik nuk e ka marre përsipër ate. Ne do t’i gjejmë dhe do t’i cojme përpara drejtësisë ata qe kane vendosur bombën dhe nuk do te lejojmë qe keta njerëz te mbjellin frike dhe te pengojnë jetën tone.”
Forca e shpërthimit theu xhamat e dritareve te ndërtesave, copëzat e te cilave shkaktuan plage tek te lënduarit. Ne vendngjarje mbërritën forca policore, zjarrfikës, forca te antiterrotit dhe FBI-se. Personel shtese prej 1 mije personash është vendosur ne pikat me te rëndësishme te transportit ne New York. Disa rruge u rrethuan nga policia, qe vazhdon hetimet. Hetuesit po këqyrin regjistrimet e kamerave te vëzhgimit te lokaleve pranë. Ndërkohe nje tjetër bombe artizanale, një tenxhere me presion e lidhur me tela dhe nje telefon celular, u gjet nga policia pas shpërthimit në të njëjtën zonë. Ngjarja e dyte u shënua ne nje qendër tregtare ne Minesota. Nje person me thike plagosi tete vete, por gjendja e tyre paraqitet e mire. I veshur me nje uniforme punonjësi sigurie, ai përmendi fjalën Allah dhe pyeti te paktën nje person nëse ishte musliman ose jo, përpara se ta qëllonte. Agresori u vra me pas nga nje polic qe nuk ishte ne detyre. Shteti Islamik mori përsipër sulmin. Agjencia e lajmeve Amaq e këtij grupi njoftoi se ai u krye nga nje ushtar i ISIS.
