Napoli shpartalloi Bolonjen 6-0 ne javën e 34 te serisë A dhe tashme është 6 pike me pak se vendi i pare Juventus ne renditjen e përgjithshme. Ne Sanpaolo vetëm monolog ne një ndeshje qe nuk u vu ne diskutim nga vendasit, te cilët zhbllokuan rezultatin qe ne minutën e 10 me Gabiadinin qe 25 minuta me vone dyfishoi shifrat nga pika e bardhe e penaltisë. Tre gola nga Martins ne pjesën e dyte. Belgu shënoi me fillimin e kësaj pjese, per te shënuar edhe dy te tjerë ne 10 minutat e fundit. Rezultati përfundimtar 6-0 u vulos nga David Lopez ne minutën e 89.
Takim zhgënjyes per Manchester City, sfida rikuperuese e javës se 27 te Premier League angleze. Skuadra e Pelegrinit nuk shkoi me shume se barazimi 1-1 ne St James Park kundër Njukasell. Per skuadrën e Rafa Benitez shprese ne luftën per te shpëtuar nga rënia nga kategoria, qe gjithsesi mbetet ne vendin e parafundit. Te paret qe gjeten rrjetën ishin te ashtuquajturit qytetaret, fale golit te Aguero ne minutën e 14 . Për argjentinasin goli i 100 ne Premier League dhe i 22-i per ketë sezon ne kampionat. Por edhe pse shënuan te paret, Citizens nuk arritën te rrëmbenin fitoren e katërt radhazi ne Premier, pasi u barazuan qe ne pjesën e pare nga vendasit, fale golit te Anita ne minutën e 31.
Bajern shpreson deri ne fund per tripleten kampionat kupe Champions League ne vitin e fundit nen drejtimin e Guardioles. Ne gjysmëfinale bavarezet munden Verder Bremen me rezultatin e pastër 2-0, duke prere biletën per ne finalen e 21 te kupës se Gjermanisë ne historinë e tyre. Ne “Alianz Arena” nje ndeshje e dominuar nga vendasit qe gjeten dy here rrjetën me Tomas Myler, duke mbetur skuadra e vetme ne Europe ne lufte per tre trofetë kryesore te sezonit.
