Të paktën pesë persona janë vrarë dhe 19 të tjerë janë plagosur në një shpërthim të fuqishëm në një fabrikë kimike në provincën Shandong të Kinës lindore.
Në të njëjtën kohë, 6 punëtorë të tjerë mbeten të zhdukur. Shpërthimi ndodhi në ambientet e Gaomi Youdao Chemical Co dhe ishte aq i fuqishëm sa theu xhamat e një depoje më shumë se tre kilometra larg.
Gaomi Youdao Chemical është e specializuar në prodhimin e pesticideve dhe kimikateve për përdorim mjekësor dhe, sipas të dhënave zyrtare, punojnë mbi 500 punëtorë.
Forca të zjarrfikëseve nxituan në vendngjarje, me më shumë se 230 burra që morën pjesë në operacionin e shpëtimit, sipas CCTV. Shkaqet e shpërthimit nuk dihen ende, ndërsa hetimet po vazhdojnë për të gjetur personat e zhdukur.
