Qeveria maqedonase nuk ka humbur kohë dhe ka miratuar unanimisht pas një seance që ka zgjatur vetëm 30 minuta, ratifikimin e marrëveshjes se Prespës. Hapi i radhës është dërgimi i saj në Kuvend dhe pritet që të vendoset në rend dite këtë të mërkurë. Për miratimin e marrëveshjes në parlament, nevojitet një shumicë e thjeshtë, 61 deputetë dhe mjafton vota pro e 31 prej tyre.

 

Sipas procedurave, ligji më pas dërgohet në presidencë. Presidenti Ivanov, i cili ka edhe të drejtën e vetos, mund ta dekretojë ligjin në një afat prej 7 ditësh.

 

Ndërkohë situata para kuvendit duket e normalizuar ditën e sotme, pas protestave të dhunshme gjate natës, ku tubuesit kundërshtuan marrëveshjen e nënshkruar për zgjidhjen e çështjes se emrit.

 

Ministria e Brendshme bëri të ditur se 25 persona janë ndaluar, ndërsa 7 policë janë plagosur gjatë përleshjeve me demonstruesit. Ata përdorën pajisje shpërthyese dhe shtynë dhunshëm gardhin mbrojtës, ndërsa përpiqeshin të hyjnë me forcë në Parlament.

Leave a Reply

Your email address will not be published. Required fields are marked *