Shpërthen bombula e gazit në Fier, lëndohet i moshuari
Një bombël gazi ka shpërthyer në katin e dytë të një pallati, në lagjen 29 Nëntori në Fier.
Në apartament ndodheshin një çift të moshuarish të cilët sapo kanë pikasur flakët kanë lajmëruar forcat zjarrfikëse. Në tentativë për të larguar bombulën jashtë ambjenteve të shtëpisë, kryefamiljari ka mbetur i lënduar lehtë në duar.
Bombula ndodhej në pjesën e kuzhinës dhe të moshuarit e përdornin për gatim. Në vendin e ngjarjes kanë mbërritur zjarrfikëset dhe uniformat blu.
Njoftimi i Policisë:
Fier/Informacion paraprak
Sot rreth orës 15:45, në lagjen “29 Nëntori” në banesën e shtetasit Y. M. ka rënë zjarr si pasojë e shpërthimit të bombulës së gazit.
Shtetasi Y. M ka marë dëmtime të lehta në duar.
Menjëherë në vendngjarje kanë shkuar shërbimet e Policisë dhe zjarrëfikëset, të cilët bënë të mundur fikjen e zjarrit.
