Shpërthen bombola e gazit në një banesë në Shkodër, plagoset rëndë 59-vjeçari

Një bombol gazi ka shpërthyer këtë të hënë në fshatin Ura e Shtrenjtë, njësia administrative Postribë.

Si pasojë e shpërthimit, i plagosur ka mbetur 59-vjeçari S. Fikaj, i cili ka pësuar djegie.

Pas ndihmës së parë në spitalin e Shkodrës, Fikaj është dërguar menjëherë në Tiranë për mjekim më të specializuar.