Një banesë në lagjen “Kodra e Shtufit” në Gjirokastër është përfshirë nga flakët. Shkak është bërë shpërthimi i një bombole gazi.
Sipas të dhenave nga policia, shpërthmi ka ndodhur në momentin kur e zonja e shtëpisë ka tentuar ta ndezë.
Fatmirësisht nuk ka të lënduar, përveç dëmeve materiale në banesë.
Në vendngjarje kanë mbërritur zjarrëfikëset, të cilat kanë neutralizuar flakët dhe kanë shuar zjarrin.
Apartamenti ndodhet në katin e parë të një pallati katër katësh, çka krijoi panik edhe tek banorët e tjerë.
