Shpërndante drogë në Tiranë, pranga 22-vjeçarit

Policia e Tiranës ka arrestuar një 22-vjeçar, pasi akuzohet për shpërndarje të lëndëve narkotike.

Në pranga përfundoi shtetasi me inicialet XH. A., i cili po lëvizte me një automjet në rrugën e “Xhabrahimëve”, ku dyshohet se shpërndante drogë në doza të vogla.

Ndërkohë, u proceduan në gjendje të lirë O. H. dhe E. H., të cilët ndodheshin në makinën e tij.

Materialet i kaluan Prokurorisë pranë Gjykatës së Shkallës së Parë Tiranë, për veprën penale “Prodhimi dhe shitja e narkotikëve”.