Ministria e Transporteve kërkon serish dhënien me koncesion te mirëmbajtjes dhe ndërtimit te Rrugës se Kombit. Përmes nje njoftimi ne Agjencinë e Prokurimeve Publike dhe ne gazetën “Financianal Times”, qeveria ka shpallur tenderin ndërkombëtar per mirëmbajtjen per 30 vite te kësaj rruge. Ne njoftimin e publikuar kërkohet qe koncesionari te mbledhë e te mbaje te ardhurat nga rruga dhe ne këmbim te kësaj, duhet te financoje përmirësimin e autostradës, te ndërtoje nje ure mbi lumin Drin ne Kukës dhe te zbatoje punimet me urgjente te stabilizimit te saj. Përparësi do te ketë kompania, e cila kërkon me pak para nga shteti ne formën e subvencionit per te realizuar mirëmbajtjen dhe përfundimin e rrugës. Ky tender po shpallet për te dytën here, pasi herën e pare Komisioni i Vlerësimit te Ofertave vendosi ta anulonte tenderin, pasi asnjë nga dy kompanitë e përzgjedhura ne fund te procesit, si ajo turke dhe si ajo kineze, nuk kishin dhen një oferte me leverdi ekonomike për shtetin shqiptar.
