Shorti i Champions, Barça – Atl Madrid & PSG – Man City

Barcelona vs Atletiko Madrid dhe PSG vs Manchester City. Këto janë dy superduelet e fazës çerekfinale te Uefa Champions League. Shorti i zhvilluar në Nyon të Zvicres e që u transmetua ne Tring Sport 1 HD, shmangu duele mes superfavoriteve si Barcelona e Bayern Mynih, por gjithsesi edhe dueli i gjithi spanjoll mes katalanasve dhe ekipit të Simeons, nuk mbetet pas. Dy skuadra që kryesojnë La Ligën e që kanë pasur përballje të zjarrta në vitet e fundit në Champions dhe kampionat. Barcelona synon hakmarrjen ndaj Los Kolchoneros, ekip që i eliminoi ne 2014 pikërisht në çerekfinale. Megjithatë, madrilenet i tremben Lionel Messit, i cili i ka shënuar 25 gola në 27 ndeshje. Përballja e parë e derbit spanjoll do të luhet ne “Kamp Nou”. Përplasje tejet interesante edhe ajo mes PSG dhe Manchester City, dy skuadra të financuara nga sheike me lidhje me njeri-tjetrin. Ne letër parisienët janë favorite për të shkuar në gjysmëfinale, gjë të cilën e konfirmuan edhe nga forma e mirë në 1 te 8 kundër Chelsea, por Manchester City është një ekip me plot elemente cilësore që nuk mund të nënvlerësohet. Me fat dhe natyrisht goxha e kënaqur nga ky short do të duhet të jenë kampionet e Gjermanisë, Bayern Mynih, të cilët pasi kaluan më vështirësi Juventusin, tani kanë peshkuar Benficen, një rival që objektivin e vet e ka realizuar që tani me ardhjen ne finale. Ndeshja e parë në këtë çift luhet ne “Alianz Arena”. Po kaq i kënaqur me siguri edhe Reali i Madridit, i cili në nje moment jo të mirë sezonal, përkëdhelet nga goglat duke i vënë përballe Wolfsburgun me sfidën e parë që luhet ne Gjermani. Sa i takon kalendarit, ndeshjet e para çerekfinale luhen të martën e 5 prillit me duelet Bajern Mynih vs Benfica dhe Barcelona – Atletico Madrid ndërsa, një ditë më pas me 6 prill Wolfsburg – Real Madrid dhe Psg – Manchester City. Takimet e kthimit pas 1 jave me 12 dhe 13 prill. Emocionet e spektaklit të Uefa Champions do të përcillen si gjithnjë ekskluzivisht vetëm ne kanalet HD të Platformes Tring dhe Vizion Plus.