Shoqërimi i kandidatit të opozitës për Himarën, Fredi Beleri, është shoqëruar edhe me një reagim nga Ministria e Jashtme e Greqisë.
Përmes një reagimi, Athina zyrtare bën me dije se ministri i jashtëm grek, Nikos Dendias, ka udhëzuar ambasadoren greke në Shqipëri që të zhvillojë një takim me homologen e tij, Olta Xhaçka.
“Pas lajmit për arrestimin nga autoritetet shqiptare të Dionisis-Fredi Beleris, kandidat për Kryetar Bashkie në Himarë në KEAD, ambasadorja e Greqisë në Tiranë, Konstantina Kamitsi, pas udhëzimeve të ministrit të Jashtëm, Nikos Dendias, po zhvillon një vizitë sot, më 12 maj në Ministrinë e Punëve të Jashtme të Shqipërisë.”, thuhet në njoftim.
Fredi Beleri u shoqërua nga uniformat blu gjatë natës, teksa ndodhej në lokalin e tij. Bashkë me të mësohet të jetë shoqëruar edhe avokati i tij, si dhe anëtarë të stafit të kandidatit të opozitës për Himarën.
Kandidati i opozitës ndodhet në komisariatin e Vlorës, ndërsa dyshohet se është përfshirë në shitblerje votash.
