Shkup, vijojnë negociatat për krizën

Përfaqësuesit e katër partive nënshkruese të marrëveshjes së Përzhinos u takuan serish këtë te mërkure, ne përpjekje per te sheshuar mosmarrëveshjet qe pengojnë zgjidhjen e krizës politike ne Maqedoni. Dy temat kryesore jane: pastrimi i listës zgjedhore dhe reforma ne media. Sipas burimeve brenda takimit, ne te po negociohet per caktimin e nje date te re per mbajtjen e zgjedhjeve brenda dhjetorit. Ne takim me katër negociatoret, marrin pjese edhe ambasadoret e SHBA dhe BE. Pas negociatave te se martës, ambasadori amerikan Bejli deklaroi se palet jane përafruar ne qëndrime, por ende nuk eshte arritur nje marrëveshje përfundimtare. Në këtë fazë të bisedave ndërpartiake, marrin pjesë Artan Grubi nga BDI-ja, Imer Aliu nga PDSH-ja, Nikolla Todorov, nga VMRO-DPMNE-ja dhe Radmilla Shekerinska nga LSDM-ja.