Qindra qytetarë shqiptarë të Maqedonisë protestuan për të kërkuar drejtësi për Almirin, 4 vjeçarin nga Kumanova i cili ndërroi jetë, pasi u përplas qëllimisht me makinë nga një maqedonas.
Protestuesit u mblodhën para selisë së qeverisë, ndërsa më pas u zhvendosen tek Gjykata Themelore e Shkupit.
Me pankarta në duar ata thane se drejtësia duhet vendosur për ketë krim, për shkak se autori u lirua pas ndryshimit të akuzës nga vrasja me paramendim, ne aksident.
Një ditë më parë, ministri shqiptar i Drejtësisë, Bilen Saliji dha dorëheqjen pikërisht për ketë çështje, duke theksuar se rigjykimi i çështjes lëkundi përkushtimin e shumicës për reforma në gjyqësor.
