Shkup – Athinë përplasen për dhunën

Përdorimi i gazit dhe Dhuna e ushtruar ndaj refugjatëve në kampin e Idhomenit, ku nuk janë kursyer as fëmijët, është dënuar nga Athina zyrtare. Pasi qeveria dënoi përdorimin e gazit dhe plumbave plastik, qe i cilësoi akte te rrezikshme, tonet janë ngritur edhe nga presidenti Prokopis Pavlopulos. Ky i fundit tha gjate nje takimi me kryeministrin portugez Antonio Kosta ne Athine se veprimet e autoriteteve maqedonase janë te papranueshme dhe me këtë sjellje, ky shtet nuk ka vend as ne BE dhe as ne NATO. Por nga ana tjetër, Ministria e Brendshme maqedonase beri përgjegjës policet greke, qe nuk ndërhynë per te parandaluar përshkallëzimin e situatës. Gjendja ne Idhomeni u tensionua, pasi policia maqedonase përdori gaz lotsjellës per te shpërndare emigrantet qe tentuan te kalonin gardhin me tela me gjemba. Mjeket pa kufij raportojnë se të paktë 30 fëmijë kanë patur probleme të rënda me frymëmarrjen dhe se një pjesë e tyre ishin rrahur për afro një orë. Dhuna është ushtruar edhe ndaj të rriturve. Ndonëse këtë te hëne situata ne kampin e Idomenit ishte e qete, mijëra refugjate qe ndodhen atje janë te dëshpëruar per fatin e tyre. Te bllokuar prej muajsh ne këtë zone, ata presin hapjen e kufijve, por deri tani nuk ka mbërritur asnjë sinjal pozitiv nga vendet ballkanike.