Shkrumbohet zyra e noterit në Lezhë, reagon policia: Digjen dokumente të rëndësishme

Policia ka reaguar pas djegies së ambienteve të brendshme të zyrës noteriale në pronësi të Vasil Martinit në Lezhë. Zjarri ra në orët e para të mëngjesit të së mërkurës.

Nga kqyrja paraprake, administrimi i të dhënave dhe pyetja e personave që kanë dijeni për gjithë dokumentacionin që ndodhej në zyrën noteriale  në momentin e rënies së zjarrit, konfirmohet se ka dëme të konsiderueshme dokumentacioni, por janë dokumentacione që mund sigurohen përsëri.

Sakaq, vazhdojnë veprimet hetimore për përcaktimim e shkakut të djegies dhe dokumentimin e plotë të ngjarjes.